ქართველი მოჭადრაკე ნინო ხომერიკი ევროპის ჩემპიონი გახდა

30 სექტემბერს, ხორვატიის ქალაქ პორეჩში 8-18 წლის მოჭადრაკეთა შორის ევროპის პირველობა დასრულდა. ჩემპიონატის გამარჯვებული ქართველი მოჭადრაკე ნინო ხომერიკი გახდა. ხომერიკმა 8 ქულა მიიღო და ნახევარი ქულით გაუსწრო მეორე ადგილზე გასულ პოლონელ ევა ხარაზინსკას. მესამე ადგილი მაკედონიის წარმომადგენელმა ტიიანე ბლაგოჟევიჩმა დაიკავა.

სულ ტურნირში მონაწილეობა ევროპის 30 ქვეყნის 48 სპორტსმენმა მიიღო.