ქობულეთში მამამ 4 წლის შვილი სცემა
ქობულეთში მამამ მცირეწლოვანი შვილი სცემა. სავარაუდო ცემის ფაქტზე ინფორმაცია აჭარის სოციალურ სააგენტოში ანონიმურად შევიდა, რის შემდეგაც ბავშვი საავადმყოფოში სოციალურმა აგენტმა მიიყვანა.
როგორც მცირეწლოვანი ბიჭის მკურნალმა ექიმმა ირაკლი ბეჟანიძემ "აჭარის ტელევიზიას" განუცხადა, პაციენტს სისხლჩაქცევა ორივე ბარძაყზე, ყურებსა და საფეთქელზე აღენიშნებოდა. ექიმის განცხადებით, ბავშვის მდგომარეობა დამაკმაყოფილებელია და ის ამ დროისთვის საავადმყოფოდან გაწერილია. ბავშვს ექსპერტიზა უკვე ჩაუტარდა.
აჭარის სოციალური სააგენტოს უფროსის თემურ ქარცივაძის განმარტებით, ძალადობის მსხვერპლი ამ ეტაპზე სახელმწიფოს მზრუნველობის ქვეშ იმყოფება.
შინაგან საქმეთა სამინისტროს ინფორმაციით, მამა მოწმის სტატუსით უკვე დაიკითხა. მომხდარზე გამოძიება 126-ე მუხლის მეორე ნაწილით მიმდინარეობს, რაც არასრულწლოვანის მიმართ ძალადობას გულისხმობს. მუხლი თავისუფლების შეზღუდვით ორ წლამდე ან თავისუფლების აღკვეთით ერთიდან სამ წლამდე ვადით ისჯება.
ნინო ხოზრევანიძე
AMBEBI.GE
"ლოგინში ჩაიფსა და მაგიტომ დავარტყი, ყოველდღე არ ვცემ" - დედას მცირეწლოვან შვილზე ძალადობაში ადანაშაულებენ, უმძიმესი ვიდეოკადრები
მაია რჩეულიშვილს ამნისტიის აქტი შეეხო, თუმცა საპატიმროს დატოვებაზე მას დაზარალებულთა თანხმობა სჭირდება
