ოსეთის ქუჩაზე ხანძარი ლოკალიზებულია

თბილისში, ოსეთის ქუჩაზე ხანძარი ლოკალიზებულია. როგორც "ინტერპრესნიუსს" საგანგებო სიტუაციების სამსახურში განუცხადეს, ხანძრის შედეგად დამწვარია 80 კვ.მ დამხმარე ფართი . ხანძრის შედეგად გარდაიცვალა ერთი ადამიანი, დაშავდა ერთი.

ამ დროისთვის ოსეთის ქუჩაზე ხანძრის ლიკვიდაციის სამუშაოები მიმდინარეობს. ადგილზე იმყოფებიან ექსპერტ-კრიმინალისტები.

როგორც მეზობლები აცხადებენ, ხანძრის მიზეზი ჯერჯერობით უცნობია.

"არ ვიცით რისგან გაჩნდა ხანძარი. შევძელით მოხუცი ქალბატონის გამოყვანა, რომელმაც გვითხრა, რომ ზემოდან ჩამოვარდა ნაპერწკალი და უცებ აალდა", - აცხადებს მეზობელი.

იხილეთ ვიდეო