მერიის თანამშრომელი ქვეითად მოსიარულე ორ ქალს დაეჯახა

ქავთარაძის ქუჩაზე, მერიის თანამშრომელი, მერიის კუთვნილი ავტომანქანით, ქვეთად მოსიარულე ორ ქალს დაეჯახა. როგორც "ინტერპრესნიუსს" შსს-ში განუცხადეს, მძღოლი არ მიმალულა, დაშავებულები კი საავადმყოფოში არიან გადაყვანილები. მათ სიცოცხლეს საფრთხე არ ემუქრება

იხილეთ ვიდეო

შსს-ს ინფორმაციით, მომხდარზე გამოძიება სისხლის სამართლის კოდექსის 276-ე მუხლის პირველი ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.

არსებული ინფორმაციით, დაშავებულებს საშუალო სიმძიმის დაზიანებები აქვთ მიღებული.