მარიამ კუბლაშვილი და ლევან ხურცია ბიჭის მშობლები გახდნენ

ადვოკატი მარიამ კუბლაშვილი და მსახიობი ლევან ხურცია მშობლები გახდნენ. ლევანის და მარიამის პირველი საერთო შვილი ჩაჩავას კლინიკაში ორი საათის წინ დაიბადა.

AMBEBI.GE მარიამის დედას, ქალბატონ მზიას დაუკავშირდა:

- მარიამმა ბიჭუნა სამის ნახევარზე, საკეისრო კვეთით გააჩინა. პატარა ჩაჩავას კლინიკაში დაიბადა. ის 2700 გრამი და 50 სანტიმეტრია. მშობიარობას მარიამის მეგობარი დაესწრო, ლევანი კი გვერდით პალატაში იყო და როცა ბავშვი გაჩნდა, როგორც ხდება, პირველად მამას ჩაახუტეს. მე და ლევანის დედა ახლაც ჩაჩავას კლინიკის აპარტამენტებში ვართ, ძალიან გვიხარია ეს ბედნიერება. ერთად ვიზიარებთ ჩვენი შვილების სიხარულს.

- რა დაარქვით პატარას?

- სახელს საღამოს შევურჩევთ. ოჯახში ასე გადაწყდა, რომ სანამ არ დაიბადებოდა, მანამდე არ შეგვერჩია სახელი ჩვენი ბიჭისთვის.

მარიამმა და ლევანმა ერთი წლის წინ იქორწინეს. მარიამ კუბლაშვილისთვის ეს მეორე შვილია, პირველი ქორწინებიდან ადვოკატს ვაჟი, არბი-გიორგი ჰყავს.

თამარ ბოჭორიშვილი

AMBEBI.GE