"ვხუმრობ, ტერაქტი მომიწყვესთქო" - თამაზ მეჭიაურის კომენტარი მისი მოწამვლის შესახებ გავრცელებულ ინფორმაციაზე

სოციალურ ქსელში გავრცელდა ინფორმაცია, რომ თამაზ მეჭიაური მოწამლეს. როგორც ცნობილია, ქართველმა დეპუტატმა ლიტვის ერთ-ერთ სასტუმროში გონება დაკარგა, ექიმების მისვლის შემდეგ კი გაირკვა, რომ მეჭიაური მოწამლული იყო. ინფორმაციის გადასამოწმებლად Ambebi.ge მეჭიაურს ესაუბრა.

- არ ვიცი რატომ გავრცელდა ეს ინფორმაცია. მაღალმა წნევამ შემაწუხა და ამის გამო დავკარგე გონება სასტუმროში. ექიმებმა შემომთავაზეს ჰოსპიტალიზაცია, მაგრამ ორ დღეში საქართველოში ვბრუნდებოდით ლიტვიდან და სამკუირნალოდ იქ ვერ დავრჩებოდი. იმ დღეს ჩავფრინდით ლიტვაში და შეიძლება ამან გამოიწვია მაღალი წნევა. არ მგონია ვინმეს ჩემი მოწამვლა სდომებოდა. ვინც იყო მაშინ ჩემთან ერთად დელეგაციაში ყველა დეპუტატი ნატოს მომხრე იყო, ჩემს გარდა და ვხუმრობ, ტერაქტი მომიწყვესთქო (იცინის). იმ დღეს კარგ ბანკეტზე მივდიოდით და ჩემი ჯანმრთელობის მდგომარეობის გამო, ის ბანკეტი ჩამშხამდა.

თამარ ბოჭორიშვილი

Ambebi.ge