ზუგდიდში ბენზინგასამართ სადგურზე აფეთქება მოხდა

ზუგდიდში, ცოტნე დადიანის ქუჩაზე, "გალფის" ბენზინგასამართ სადგურზე ცოტა ხნის წინ აფეთქება მოხდა. როგორც "ინტერპრესნიუსს" თვითმხილველმა განუცხადა, ცეცხლი რეზერვუარში გაჩნდა, რის შემდეგაც უკვე ბენზინგასამართ სადგურს მოედო. თუმცა სახანძრო-სამაშველო სამსახურმა მალევე შეძლო ხანძრის ლოკალიზება.

ადგილზე ამ დრომდე მუშაობენ სამართალდამცველები. პერიმეტრი პოლიციელებს აქვთ შემოსაზღვრული, რადგან აფეთქების საშიშროება არსებობს.