ზესტაფონის ბაზრისთვის ხანძრის შედეგად მიყენებული ზარალი 2 მილიონ ლარზე მეტს შეადგენს

ზესტაფონის მუნიციპალიტეტში ე.წ. შავ ბაზარში გაჩენილი ხანძრის შედეგად მიყენებულმა ზარალმა 2 მილიონ ლარზე მეტი შეადგინა. როგორც ბაზრის ერთ-ერთმა მეპატრონე ცეზარ მაღლაკელიძემ განაცხადა, 1 700 000 ლარი მოვაჭრეების საქონლის, ხოლო 500 000 ლარი შენობა-ნაგებობის ზარალია.

ზესტაფონში, ჭანტურიას ქუჩაზე მდებარე ე.წ. შავი ბაზარი შპს "საირხეს" ეკუთვნის. ორგანიზაცია 6 000-მდე ჰექტარ ტერიტორიას ფლობს. ხანძარმა 1 000 კვ.მ-მდე ფართობზე განლაგებული სავაჭრო ობიექტები მთლიანად გაანადგურა.