ქართველი ოლიმპიელის საჩუქარი ამერიკელმა დაიჭირა

19 აგვისტოს თავისუფალი სტილით მოჭიდავე ვლადიმერ ხინჩეგაშვილი რიოს ოლიმპიადის გამარჯვებულია. 25 წლის გორელი მოჭიდავე ფინალში იაპონელ რეი ჰიგუჩის დაუპირისპირდა და მეტოქე ანგარიშით 3:1 დაამარცხა.

ქართველმა მოჭიდავემ ნახევარფინალში ბულგარელ ვლადიმირ დუბოვს მოუგო (8:4), მეოთხედფინალში - აზერბაიჯანელ ჰაჯი ალიევს (4:3), მერვედფინალში კი ყაზახ ნურისლამ სანაევს (4:3).

ვლადიმერ ხინჩეგაშვილმა საქართველოს ოლიმპიურ დელეგაციას მეორე ოქროს მედალი მოუტანა. ამ დროისთვის საქართველოს ანგარიშზე 2 ოქროს, 1 ვერცხლის და 3 ბრინჯაოს მედალია.

დაჯილდოვების შემდეგ ქართველმა ოლიმპიურმა ჩემპიონმა "სიმბოლურ საჩუქარზე" ავტოგრაფი დატოვა და დარბაზში ისროლა, რომელიც ამერიკელმა დაიჭირა.