ავარია მცხეთაში: დაიღუპა მცირეწლოვანი, დედა - მძიმე მდგომარეობაშია

მცხეთაში, ჯვრის მონასტერთან ავარია მოხდა. არსებული ინფორმაციით, მსუბუქი ავტომობილი ბეტონის კედელს შეასკდა. ავარიის შედეგად დაღუპულია მცირეწლოვანი ბავშვი. არსებული ინფორმაციით, მძიმე მდგომარეობაშია ბავშვის დედაც, რომელიც საავადმყოფოშია გადაყვანილი.

როგორც "ინტერპრესნიუსს" შინაგან საქმეთა სამინისტროში განუცხადეს, მომხდარზე დაწყებულია გამოძიება სსკ-ის 276-ე მუხლით, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.