კომპანია Holland & Barrett უკვე საქართველოშია

ბრიტანულმა წამყვანმა საცალო ვაჭრობის კომპანიამ - Holland & Barrett, რომელიც თავის მომხმარებელს ვიტამინების, მინერალებისა და მცენარეული დანამატების ფართო ასორტიმენტს სთავაზობს, საქართველოში ოპერირება დაიწყო.

თბილისში სექტემბრიდან უკვე შესაძლებელია ნომერ პირველი მსოფლიო დონის ბრენდის პროდუქციის შეძენა.

თბილისში კომპანიის უკვე ორი მაღაზია გაიხსნა. სავაჭრო ქსელი საქართველოში სექტემბრიდან შემოვიდა. პირველი მაღაზია "სითი მოლ საბურთალოში" მეორე სართულზე განთავსდა, ხოლო მეორე მაღაზია - "გლდანი მოლში".

"ეს არის მსოფლიოში ნომერ პირველი ბრიტანული სავაჭრო ქსელი, რომელიც ჯანსაღი ცხოვრების წესის მიმდევრებეს ყველა საჭირო პროდუქციას სთავაზობს", - აცხადებენ ბრენდის ოფიციალური წარმომადგენლები.

ჯანსაღი საკვები, ვიტამინები, მინერალები, მცენარეული დანამატები, ნატურალური პარფიუმერია, ბავშვის ვიტამინები და მოვლის საშუალებები, გახდომის საშუალებები, სპორტსმენებისთვის საკვები დანამატები - ეს ის არასრული ჩამონათვალია, რომელსაც კომპანია თავის მომხმარებელებს სთავაზობს.

ბრენდის წარმომადგენლების განცხადებით, კომპანიას 145 წლიანი გამოცდილება აქვს.

"ბრიტანეთში თუ ვინმეა ნამყოფი, ყველასთვის ნაცნობია ეს კომპანია. დიასახლისებში განსაკუთრებული პოპულარობით სარგებლობს. იქ ყოველ კუთხეშია მათი მაღაზია. თითოეული პროდუქტი 15-30 წლიან გამოცდას გადის. ნებისმიერ პროდუქციას უვნებლობის 100%-იანი გარანტია აქვს. არ საჭირეობს ექიმის რეცეპტს, რადგან მთლიანად ნატურალური ინგრედინეტებით მზადდება. ეს არ არის აფთიაქი. ეს არის ჯანსაღი საკვები დანამატების, ნატურალური კოსმეტიკის და ნატურალური პროდქუტების მაღაზია", - აცხადებენ ბრენდის ოფიციალური წარმომადგენლები საქართველოში. მათივე ინფორმაციით, Holland & Barrett თავის თანამშრომლებს ტრენინგებს სთავაზობს, რათა მათ შესაბამისი განათლება მისცეს.

"კომპანიას აქვს თავისი ტრენინგ ცენტრი. კონსულტანტები დიდ მომზადებას გადიან, რათა მომხმარებელს მაქსიმალურად დაეხმარონ სწორი არჩევანის გაკეთებაში", - აღნიშნავენ Holland & Barrett - ის ქართულ წარმომადგენლობაში.

უსაფრთხოება, ხარისხი, ნდობის მაღალი მაჩვენებელი ბრენდის მიმართ - ის მახასიათებლებია, რაც Holland & Barrett-ის პროდუქციას მომხმარებლისთვის მაქსიმალურად მისაღებს ხდის. როგორც ბრენდის ქართულ წარმომადგენლობაში აცხადებენ, Holland & Barrett-ის თითოეული მაღაზია იმის გარანტორია, რომ პროდუქცია, რომელსაც მომხმარებელი არჩევს, მაღალი ხარისხის არის. რაც, ასევე მაქსიმალურ უვნებლობას გულისხმობს.

კომპანიას საქართველოში უკვე გაუჩნდა აქტიური მომხმარებლები, მათ შორის არიან ტელეწამყვანი ნინო ზაუტაშვილი და მსახიობი ბახვა ბრეგვაძე.

როგორც ტელეწამყვანი ნინო ზაუტაშვილი აღნიშნავს, Holland & Barrett - ის პროდუქცია ნატურალური კომპონენტებისგან შედგება.

"მე დიდიხანი არ არის რაც ვიცნობ Holland & Barrett - ის პროდუქციას. ზაფხულში გავიცანი და ძალიან კარგი შთაბეჭდილება დატოვა. მე მქონდა საშუალება უფრო ახლოს გავცნობოდი იმას თუ რას შეიცავს ამ კომპანიის პროდუქცია. ზოგადად მე ყოველთვის ვკითხულობ ანოტაციას და როდესაც გავიგე, რომ ეს არის სრულიად ნატურალური პროდუქტი და აბსოლუტურად ნატურალური კომპონენტებისგან შედგება. დავიწყე მისი მიღება, რადგან მეგობარმა მირჩია და მითხრა, რომ Holland & Barrett - ის პროდუქციის მიღების შემდეგ გაცილებით უკეთ გრძნობდა თავს. მეც მივმართე ამ ხერხს და დაახლოებით ორი კვირის თავზე ყველა ის სიმპტომი, რაც ჩემთვის შემაწუხებელი იყო აბსოლუტურად გაქრა", – განაცხადა ნინო ზაუტაშვილმა.

მსახიობი ბახვა ბრეგვაძეც პროდუქციის ნატურალურ კომპონენტებზე ამახვილებს ყურადღებას და აღნიშნავს, რომ Holland & Barrett - ის მაღაზიები ასევე ძალიან დააინტერესებს ჩაის მოყვარულებსაც.

"ინგლისში როცა ვიყავი იქ აღმოვაჩინე ეს მაღაზია, რამდენიმე წლის წინ და იმის მერე ძალიან ბევრი რაღაც ვიყიდე. Holland & Barrett ლონდონის სავიზიტო ბარათივით არის და მას შემდეგ ვინც მიდის ჩემი მეგობარი, ან ვინც იქ ცხოვრბს ჩემი ახლობელი ყოველთვის ვაბარებ რაღაცეებს. ყველაფერი არის ძალიან ხარისხიანი, რაზეც შემიძლია პასუხისმგებლობაც კი ავიღო ისე ხმამაღლა ვილაპარაკო და ვურჩიო ყველას", - განაცხადა ბახვა ბრეგვაძემ.

საქართველოში Holland & Barrett -ის ოფიციალურ წარმომადგენლებს გაფართოების გეგმებიც აქვთ.

"იმ შემთხვევაში, თუ Holland & Barrett - ის პროდუქციაზე საქართველოში მოთხოვნა გაიზრდება, ქართული ქსელი გაფართოვდება. შემდეგი მაღაზიები ერთი წლის განმავლობაში, საქართველოს სხვადსხვა ქალაქში გაიხსნება", - აღნიშნავენ Holland & Barrett -ის წარმომადგენლები.

Holland & Barrett სამომავლოდ გეგმავს პროექტს, რომელშიც ჩართულები იქნებიან კომპანიის მომხმარებლები, ხოლო გამარჯვებული კი ლონდონში გაემგზავრება.