კახეთში სამხედროებით სავსე "კამაზი" გადატრიალდა - გარდაცვლილია ჯარისკაცი

კახეთში, სამხედრო ავტომანქანის გადატრიალების შედეგად, ერთი ჯარისკაცი გარდაიცვალა. როგორც "ინტერპრესნიუსს" თავდაცვის სამინისტროში განუცხადეს, უწყების კუთვნილ, "კამაზის" მარკის" ავტომანქანაში 37 სამხედრო მოსამსახურე იჯდა.

მათივე ცნობით, გარდაცვლილია ერთი სამხედრო მოსამსახურე, დანარჩენები კი მსუბუქი დაზიანებებით დედოფლისწყაროს საავადმყოფოში გადაიყვანეს.

ავარიის გამომწვევი მიზეზი ამ დროისთვის უცნობია.