თურქეთში ქართველი მეზღვაური დაიღუპა. როგორ "ინტერპრესნიუსს" საზღვაო ტრანსპორტის სააგენტოში განუცხადეს, 23 წლის მამაკაცი სავარაუდოდ, გემბანიდან გადმოვარდნის შედეგად გარდაიცვალა.
მომხდართან დაკავშირებით მიმდინარეობს გამოძიება და შემთხვევის გამომწვევი მიზეზები მოგვიანებით გახდება ცნობილი.
საზღვაო ტრანსპორტის პრესსამსახურის ცნობით, მომხდართან დაკავშირებით საქმის კურსშია საქართველოს საგარეო საქმეთა სამინისტრო და თურქეთში საქართველოს საკონსულო.