ეროვნულ მუზეუმში პროფესორ ივანე მენთეშაშვილის წიგნის „ნაპოლეონი“ პრეზენტაცია გაიმართება

საქართველოს ეროვნული მუზეუმის აუდიტორიაში 12 დეკემბერს, პროფესორ ივანე მენთეშაშვილის წიგნის „ნაპოლეონი“ პრეზენტაცია გაიმართება. გამომცემლობა „პალიტრა L“-ის საზოგადოებასთან ურთიერთობის სამსახურის ინფორმაციით, წიგნი გამოცემულია გამომცემლობა „ პალიტრა L“-ის მიერ სერიაში “50 პერსონა - მათ შექმნეს ისტორია“.

პრეზენტაციას გახსნის საქართველოს ეროვნული მუზეუმის გენერალური დირექტორი დავით ლორთქიფანიძე, წიგნის ავტორი ივანე მენთეშაშვილი და წიგნის „ნაპოლეონი“ რედაქტორი ლადო იოსებაძე.

წიგნის შესახებ ასევე ისაუბრებენ პრეზენტაციის სტუმრები, ვალერი ასათიანი - ასოციაცია „კულტურათა დიალოგი“-ს პრეზიდენტი; ივ. ჯავახიშვილის სახ. თბილისის სახელმწიფო უნივერსიტეტის პროფესორები: გივი ბოლოთაშვილი, მერაბ კალანდაძე, ვასილ კაჭარავა; დალი იაშვილი - მთარგმნელი.