12 გარდაცვლილი და ათეულობით დაშავებული - ბერლინში საშობაო ბაზრობაზე სატვირთო ავტომანქანა შევარდა
საშობაო ბაზრობაზე სატვირთო ავტომანქანის შევარდნის შედეგად ბოლო ინფორმაციით, 12 ადამიანი გარდაიცვალა, 50-მდე კი დაშავდა. ამის შესახებ "თვითერის" გვერდზე ბერლინის პოლიციის პრესსამსახური იუწყება.
გავრცელებულ კადრებში ჩანს, როგორ გადაუარა საშობაო ჯიხურს სატვირთო ავტომანქანამ, რომელიც ზოოპარკთან მდებარეობდა. ადგილზე მეხანძრეები და პოლიცია მუშაობს. არსებული ინფორმაციით, სატვირთო ავტომანქანის მძღოლმა მიმალვა მოახერხა. თუმცა იგი პოლიციამ მალევე დააკავა.