რუსთავში გიორგი ლეონიძის ქუჩის #18 კორპუსის საცხოვრებელ ბინაში გაჩენილ ხანძარს 84 წლის ქალბატონის სიცოცხლე ემსხვერპლა. ადგილზე მობილიზებული იყო სახანძრო და სასწრაფო სამედიცინო დახმარების ბრიგადები.
წინასწარი ინფორმაციით, მოხუცი კვამლისგან გაიგუდა და შემდგომ სხეულზე დამწვრობები მიიღო. სასწრაფო სამედიცინო დახმარების ბრიგადას მოხუცი უკვე გარდაცვლილი დახვდა. მეზობლების თქმით, მოხუცს ეძინა და ცეცხლი, სავარაუდოდ, საეკლესიო სანთლიდან გაჩნდა.