იუბილარი პატრიარქის ფოტო - უწმინდესს დაბადების დღე მთავრობის წევრებმა მიულოცეს

"ქართული ოცნების" დეპუტატი ზაზა გაბუნია "ფეისბუქზე" ფოტოს აქვეყნებს, წარწერით, "პატრიარქი დღეს". ფოტოზე უწმინდესი და უნეტარესი ილია მეორე, საქართველოს პრემიერი-მინისტრი გიორგი კვირიკაშვილი და თავდაცვის მინისტრი ლევან იზორია არიან გადაღებული.

მთავრობის წარმომადგენლები პატრიარქის საიუბილეო ტრაპეზზე იმყოფებოდნენ.

4 იანვარს სრულიად საქართველოს-კათოლიკოს პატრიარქის, უწმინდესისა და უნეტარესის, ილია მეორის დაბადების დღეა. კათოლიკოს-პატრიარქს 84 წელი შეუსრულდა.

შეგახსენებთ, რამდენიმე დღის წინ უწმინდესს ჯანმრთელობის პრობლემები შეექმნა. პატრიარქი ამ დრომდე ექიმების მეთვალყურეობის ქვეშ რჩება. როგორც მედიკოსები აცხადებენ, ილია მეორის ჯანმრთელობის მდგომარეობის დინამიკა ოდნავ უკეთესია.