"ფრესკოს" პასუხი თანამშრომლების ბრალდებებს: "ეს ადამიანები არ აკმაყოფილებდნენ სტანდარტებს"

კომპანია "ფრესკოს" წარმომადგენლები, ყველა ბრალდებას, რომელიც მათ წინააღმდეგ გაჟღერდა, უსაფუძვლოს უწოდებენ. Allnews.ge კომპანიის საზოგადოებასთან ურთიერთობის სამსახურის თანამშრომელს გაესაუბრა. როგორც ფრესკოს წარმომადგენელი აცხადებს, მათთვის უცნობია კონკრეტულად, ვინ არის გავრცელებული განცხადები ავტორი, რადგან Facebook-ზე გამოქვეყნებულ პოსტზე არ არის მითითებული სახელი და გვარები.

"მათი ბრალდებები სრულიად უსაფუძვლოა, რადგან კომპანია ფრესკოში გვაქვს შინაგანაწესი, რომელსაც ხელს აწერს თითოეული თანამშრომელი, რომელიც ჩვენთან მუშაობას იწყებს. ამ ადამიანებმა დაარღვიეს ეს შინაგანაწესი, მათ ჰქონდათ დისციპლინარული სასჯელები და დარღვევები, რაც გამოიხატება იმაში, რომ ისინი სისტემატურად აგვიანებდნენ სამსახურში, არასწორად ადებდნენ პროდუქტს ფასმაჩვენებელს, არ ემსახურებოდნენ მომხმარებლებს კარგად.

ვინაიდან ჩვენს კომპანიას აქვს ძალიან მაღალი მოთხოვნა იმისა, რომ მომხმარებელს მაღალი ხარისხის მომსახურება შესთავაზოს, ეს ადამიანები არ აკმაყოფილებდნენ ამ სტანდარტებს, შესაბამისად ეს ადამიანები ჩვენი შიდა წესების დარღვევის გამო დაჯარიმდნენ," - ამბობს მარიამ აფრიდონიძე წაიკითხეთ გაგრძელება