უბნები თბილისში, სადაც ელექტროენერგია გაითიშება

თბილისის ნაწილს, ხვალ, სხვადასხვა სამუშაოების ჩატარების გამო, ელექტრომომარაგება დროებით შეეზღუდება.

როგორც "ინტერპრესნიუსს" კომპანია "თელასიდან" აცნობეს, ვაკის რაიონში გადაუდებელი სარემონტო სამუშაოების გამო 10:00 საათიდან, 17:00 საათამდე შეზღუდვა შეეხება: კუს ტბის მიმდებარე ტერიტორიის და ილია ჭავჭავაძის გამზირის მცხოვრებლებს.

მთაწმინდის რაიონში, გადაუდებელი სარემონტო სამუშაოების გამო, 10:00 საათიდან, 17:00 საათამდე, შეზღუდვა შეეხება: აბაკელიას ქუჩის მცხოვრებლებს. ქსელზე ახალი აბონენტების მიერთების მიზნით, 10:00 საათიდან 17:00 საათამდე, შეზღუდვა შეეხება: გალაკტიონ ტაბიძის და ლეონიძის ქუჩების მცხოვრებლებს.

"კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება", - აცხადებენ კომპანიაში.