გასულ კვირას, "ჯიდიესის" გადაცემა "18+"-ში, მომხიბვლელი სტუმარი ქალბატონის მიერ ეთერში მკერდის მოშიშვლებას, დიდი გამოხმაურება მოჰყვა. როგორც პროდიუსერი და ტელეწამყვანი - ნოე სულაბერიძე ამბობს, "18+" ინტელექტუალური გადაცემაა და ეპატაჟური მხოლოდ ერთი ეპიზოდი გამოვიდა...
- ნოე, ტელეწამყვანის ამპლუაში თავს როგორ გრძნობთ?
- ძალიან წყნარად (იღიმის). ამ საკითხთან დაკავშირებით, განსაკუთრებული მიდგომა არ მქონია, რადგან გადაცემა თავისუფალი ფორმატისაა - ზუსტად ისეთი, როგორიც ადამიანებთან ყოველდღიური ურთიერთობა. ამიტომ მგონია, რომ მისი წამყვანობა განსაკუთრებულ სირთულეს არ წარმოადგენს.
- ამბობდით, გადაცემა ინტელექტუალური იქნებაო. ეთერში მკერდის ჩვენება ინტელექტს ამაღლებს?
- 20 გადაცემიდან 19 რომ ინტელექტუალურია და ერთხელ მკერდი ვაჩვენეთ, ამის გამო, ის 19 იკარგება?! თქვენ მიერ ნახსენები გადაცემის თემა "ღალატი" იყო. მანამდე ბევრი საინტერესო თემა გვქონდა. ეპატაჟური ერთი გამოვიდა, თუმცა ეს იმას არ ნიშნავს, რომ "18+" ამ ნიშას დაიკავებს. დღესაც გადაცემას ვწერთ და წესით, ეპატაჟური საერთოდ არ უნდა იყოს, პირიქით - თემებს "სიღრმისეული გაშლა" ექნება.
- სტუმარი ქალბატონის მიერ ეთერში მკერდის მოშიშვლება წინასწარ დადგმული იყო?
- სტუმარს სურვილი ექსპრომტად გაუჩნდა და განახორციელა.
- დაიბენით?
- სიმართლე გითხრათ, დიდად არ დავბნეულვარ, რადგან მეგონა, რომ მისი ასეთი საქციელი უკვე მწიფდებოდა, მაგრამ დანარჩენები მაგრად დაიბნენ.
- როგორც აღნიშნეთ, ამ გადაცემის თემა "ღალატი" იყო. თუმცა, პირადად თქვენ, მხოლოდ მეგობრის ღალატს უსვამდით ხაზს. მოდი, ჩვენ ქალსა და მამაკაცს შორის ღალატზე ვისაუბროთ...