ფარული სიგნალები, რომელსაც დედოფალი ელისაბედი ხელჩანთის საშუალებით გადასცემს დაცვის წევრებს

დიდი ბრიტანეთის დედოფალი ელიზაბედ მეორე თავის მომცრო ზომის ჩანთებს ყველა ღონისძიებაზე ხელზე გადაკიდებულს ატარებს. ამბობენ, რომ დედოფალს 200-მდე ჩანთა აქვს, მათ ყოველთვის მოყვება კომპლექტში შესაფერისი საფულე და სათვალის ჩასადები. როგორც ირკვევა, მათ მხოლოდ აქსესუარის ფუნქცია არ აქვთ.

ჩანთების საშუალებით დედოფალი დაცვის წევრებს სიგნალს უგზავნის, როდესაც მოწყინდება საუბარი და უნდა, რომ თავაზიანად გამოვიდეს სიტუაციიდან.

• როდესაც დედოფალს ჩანთა ერთი ხელიდან მეორეში გადააქვს, ეს ნიშნავს, რომ მას მოსაუბრესთან საუბრის დასრულება სურს.

• როდესაც ადგილის დატოვება სურს, მონარქი ხელჩანთას მაგიდაზე შემოდებს ხოლმე.

• როდესაც თითზე ბეჭდის ტრიალს იწყებს, ეს ნიშნავს, რომ სასწრაფოდ სურს გაეცალოს მოსაუბრეს.

მომზადებულია Daily Mail-ის მიხედვით