12 მარტს, 18:00 საათზე - #არდაუსტვინო! უქომაგე საქართველოს "ბორჯღალოსნებს"!
12 მარტს ქართველი "ბორჯღალოსნები" და რუსი "დათვები" დინამო არენაზე შეერკინებიან ერთმანეთს. ხვალინდელი შეხვედრა ქართველი ქომაგებისთვის ორმაგად მნიშვნელოვანია, რადგან მეტოქე რუსეთის ნაკრებია.
ვინც ყურადღებით ეცნობა რაგბის ფედერაციის ოფიციალურ ფეისბუქ და ვებ- გვერდს არ დატოვებდა უყურადღებოდ მოწოდებას #არდაუსტვინო.
მეც ის რიგითი ქომაგი ვარ, რომელიც უფრო აჩქარებული პულსით ველოდები ამ დღეს. ჯერ 12 მარტი არც არის და უკვე მინდა ვნახო დასრულებული მატჩის შემდეგ როგორ შემოივლიან მოედანს გამარჯვებული "ბორღალოსნები" და მადლობას გადაუხდიან გულშემატკივარს, რომელთა ხილვაც მათთვის ძალიან მნიშვნელოვანია და დარწმუნებული ვარ ხვალ კიდევ ერთხელ ვიხილავთ ქართული დროშით აჭრელებულ, გადავსებულ დინამო არენას ტრიბუნებს.
ხვალ ყველა ქართველის პულსის ცემა გაორმაგებული იქნება.
ხვალ რუსი დათვების საჯარიმოში გარდასახვის, ჯარიმის, არეკნის და ლელოს დამიწების უსაზღვრო სურვილით აღტკინებული ქართველების დღეა.
ხვალ "დასტვენის" და "რუსეთი ოკუპანტია" შეძახილის მსურველებიც მრავალად იქნებიან. მაგრამ ქომაგებს ისიც კარგად უნდა ესმოდეთ, რომ ამ დღეს ყველაზე მნიშვნელოვანი მოედანზე, მათ პირისპირ გამოსული ის 15 "ბორჯღალოსანი" იქნება, რომელსაც ჩემზე და თქვენზე მეტად უნდა საქართველოს სახელით მეტოქის დამარცხება.
სარაგბო ქვეყნებში არათუ ჰიმნზე არ უსტვენენ, არამედ, როდესაც მეტოქე გუნდის მოთამაშე ჯარიმას ურტყამს, ჩუმდებიან, რათა სპორტსმენს ხელი არ შეეშალოს. არაფერია ამაში გასაკვირი, რადაგან ეს რაგბია, სადაც ურთიერთპატივისცემას დიდი ფასი აქვს...
ხვალ უნდა ვიყოთ #ფორმაში! დავივიწყოთ პოლიტიკური ოკუპანტები და სპორტული ღირსებით დავდგეთ ჩვენი ქვეყნის და "ბორჯღალოსნების" საქომაგოდ.
პ.ს. ლელო (ლელოს გატანა ეწოდება მოთამაშის შესვლას მოწინააღმდეგე გუნდის ჩათვლის მოედანზე და ბურთის მიწაზე დადებას (დამიწებას)) - 5 ქულა;
გარდასახვა (ინიშნება ლელოს გატანის შემდეგ და ირტყმება ლელოს გატანის ხაზის გასწვრივ) - 2 ქულა;
ჯარიმა (ინიშნება მაშინ, როდესაც გუნდი დაარღვევს თამაშის წესებს) - 3 ქულა
არეკნი (თამაშის დროს ბურთის დარტყმა, რომელიც ითვლება გატანილად, თუკი ბურთი გაფრინდება მოწინააღმდეგის კარის ძელებს შორის, ხარიხის თავზე) - 3 ქულა.
ნანა ჩხაიძე
AMBEBI.ge
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია
