რატომ არის დაბინძურებული "მარშრუტკების" სკამები - კომპანიის პასუხი ანტისანიტარიით შეწუხებულ მოქალაქეებს

დედაქალაქში მოძრავი საზოგადოებრივი ტრანსპორტი მომჩივანი მოქალაქეების ნაკლებობას არ განიცდის. ამჯერად, თბილისის ფორუმში გავრცელდა მოქალაქის მიერ გადაღებული ფოტო, სადაც ასახულია ერთ-ერთი მიკროავტობუსის შიდა ნაწილი, ჭუჭყიანი და დასვრილი დასაჯდომები. მოქალაქეები უკვე დიდი ხანია ჩივიან ე.წ. ყვითელ "მარშრუტკებში" არსებულ პირობებზე. რას აკეთებს კომპანია იმისათვის, რომ მიკროავტობუსები მოწესრიგებული და სუფთა იყოს? - Ambebi.ge-მ ამ კითხვით "თბილისის მიკროავტობუსს" მიმართა:

ნათია მიქიაშვილი, "თბილისის მიკროავტობუსის" საზოგადოებასთან ურთიერთობის სამსახურის უფროსი: "კომპანია ავალდებულებს მძღოლს, რომ მან ყოველდღიურად, მას შემდეგ, როდესაც ბრუნდება ავტოფარეხში, დაასუფთაოს მიკროავტობუსი. ყველა ავტოფარეხში არის სპეციალური ფართი გამოყოფილი იმისთვის, რომ მიკროავტობუსებმა იმოძრაონ სუფთა მდგომარეობაში. კომპანია ასევე ავალდებულებს მძღოლს, პერიოდულად ჩაატაროს ქიმწმენდა, როგორიც არის სავარძლების გაწმენდა, მიკროავტობუსის ჭერის და იატაკის გაწმენდა. სამწუხაროდ, ქიმწმენდას ყოველდღე ვერ ჩაატარებ, რადგან ამისთვის საჭიროა მთლიანად სავარძლების გაწმენდა, შემდეგ გაშრობა და ამას დრო სჭირდება".

თეა ბეჟიტაშვილი

Ambebi.ge

ფოტო: თბილისის ფორუმი

წაიკითხეთ ასევე: "როცა მგზავრი ადის გატენილ მიკროავტობუსში, მძღოლმა რა ქნას?" - რატომ ვერ გვარდება თბილისში გადაჭედილი "მარშრუტკების" პრობლემა