"მუხთარლი გაიტაცეს ჩიტაძის ქუჩიდან, პოლიციის ფორმაში ჩაცმულმა პირებმა" - სახალხო დამცველი ჟურნალისტის "გაუჩინარების" დეტალებზე

"მუხთარლი გაიტაცეს ჩიტაძის ქუჩიდან, პოლიციის ფორმაში ჩაცმულმა პირებმა" - სახალხო დამცველი ჟურნალისტის "გაუჩინარების" დეტალებზე

"ოჯახის წევრების ინფორმაციით, აფგან მუხთარლი საქართველოს კრიმინალური პოლიციის ფორმაში ჩაცმულმა პირებმა გაიტაცეს და აზერბაიჯანულ მხარეს არა მწვანე ზონაში, არამედ ლაგოდეხში, ოფიციალური საკონტროლო-გამშვები პუნქტიდან გადასცეს" - ამის შესახებ საქართველოს სახალხო დამცველმა უჩა ნანუაშვილმა "პალიტრანიუსის" გადაცემა "360 გრადუსში" სტუმრობისას განაცხადა.

ნანუაშვილის თქმით, მუხთარლის მეუღლეს და მეგობრებს ის დღეს შეხვდა.

"მისი ოჯახის წევრების ინფორმაციით, გატაცება მოხდა ჩიტაძის ქუჩის მიმდებარე ტერიტორიიდან, პოლიციის მიერ, "ოპელის" მარკის ავტომობილით. ყოველ შემთხვევაში, ამ ადამიანებს ეცვათ საქართველოს კრიმინალური პოლიციის ფორმა. ეს არის ადგილი, სადაც რამდენიმე სახელმწიფო უწყებაა: საქართველოს სახელმწიფო დაცვის სამსახური, პარლამენტი, საგარეო საქმეთა სამინისტრო, იტალიის საელჩო.

ჩვენთვის უცნობია, არის თუ არა ამოღებული ვიდეოჩანაწერები. ასევე, მათი ინფორმაიცით, არანაირ მწვანე ზონაში არ მომხდარა ჟურნალისტის გადასვლა. ის მოიტაცეს და წაიყვანეს, რამდენჯერმე სხვადასხვა მანქანაში გადასვეს და საბოლოო ჯამში, ლაგოდეხში, ოფიციალური საკონტროლო გამშვები პუნქტიდან მოხდა მისი გადაყვანა საზღვარზე და გადაცემა აზერბაიჯანის სამართალდამცველი ორგანოების წარმომადგენლებისთვის", - განაცხადა უჩა ნანუაშვილმა.

უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"

ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია

8-9 ოქტომბერს ძლიერი წვიმა და ქარია, 10-ში კვლავ გამოიდარებს - უახლოესი დღეების ამინდის პროგნოზი