ნიკა გვარამიამ თანამდებობა დატოვა

"რუსთავი 2"-ის გენერალურმა დირექტორმა ნიკა გვარამიამ თანამდებობა დატოვა. ინფორმაციას ტელეკომპანიის თანამშრომლები ადასტურებენ.

არსებული ინფორმაციით, ეს გადაწყვეტილება გვარამიამ არხის თანამშრომლებს საგანგებო თათბირზე გააცნო.

ნიკა გვარამია ტელეკომპანია "რუსთავი 2"-ის გენერალური დირექტორი 2012 წლის ბოლოს გახდა. მანამდე მას საქართველოს ხელისუფლებაში სხვადასხვა თანამდებობა ეკავა.

ასევე ვრცელდება ინფორმაცია, რომ თანამდებობა დატოვა ტელეკომპანიის საინფორმაციო სამსახურის უფროსმა გიორგი ლაფერაშვილმა, მის თანამდებობაზე კი ჟურნალისტი ნოდარ მელაძე დანიშნეს.