ბექა ჩხაიძემ მეუღლესთან დაშორების შემდეგ, შესაძლოა "ალილოც" დატოვოს?
კვარტეტ "ალილოს" წევრის, ბექა ჩხაიძის გარშემო მითქმა-მოთქმა არ წყდება. მომღერალს რამდენიმე დღის წინ, მეუღლე თეონა ჯაფარიძე "ფეისბუქით" დაშორდა. როგორც ჩანს, ჩხაიძე მხოლოდ მეუღლეს არ დაშორდა - ის იმ კვარტეტის დატოვებასაც აპირებს, რომელმაც პოპულარობა მოუტანა.
AMBEBI.GE-ს მიერ მოპოვებული ინფორმაციით, ბექა ჩხაიძე კვარტეტთან ერთად გასტროლებზე იმყოფებოდა საბერძნეთში, სადაც ჯგუფის წევრები მიატოვა და კვარტეტიდან წავიდა. ჩხაიძე საქართველოში რამდენიმე დღის წინ დაბრუნდა.
ჩვენი წყაროს ცნობით, აღნიშნულმა ფაქტმა "ალილოს" წევრები გააღიზიანა და შესაძლოა, მალე კვარტეტი ტრიო გახდეს და "ალილო" კონცერტებზე ბექა ჩხაიძის გარეშე გავიდეს.
ინფორმაციის გადასამოწმებლად AMBEBI.GE მომღერალ ლაშა ღლონტს დაუკავშირდა:
- ბატონო ლაშა, გავრცელდა ინფორმაცია რომ ბექა ჩხაიძემ გასტროლების დროს მიგატოვათ და ის "ალილოში" აღარ იმღერებს, მართალია?
- წინასწარ ვერაფერს გეტყვით, უნდა შევხვდეთ, დავილაპარაკოთ და ერთად მივიღოთ გადაწყვეტილება. წავა თუ დარჩება.
- საქართველოში დაბრუნების შემდეგ, არ გქონიათ მასთან შეხვედრა?
- მე ახლა გასტროლებისთვის ვემზადები და დრო არ მქონდა შეხვედრისთვის. როცა დავბრუნდები გასტროლებიდან, შევიკრიბებით და თავად გადაწყვიტოს რას იზამს. სხვას ვერაფერს გეტყვით.
თამარ ბოჭორიშვილი
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია
