ბათუმში, ავარიის დროს დაშავებული გოგონა გარდაიცვალა

ბათუმში, ავტოსაგზაო შემთხვევის შედეგად დაშავებული გოგონა დღეს დილით გარდაიცვალა. შემთხვევა 21 ივნისს, ჭავჭავაძის ქუჩაზე მოხდა. 23 წლის გოგონა ბათუმის რესპუბლიკური საავადმყოფოს რეანიმაციულ განყოფილებაში სხვადასხვა მძიმე ტრავმებით იყო მოთავსებული.

საქართველოს შინაგან საქმეთა სამინისტროს ინფორმაციით, მომხდართან დაკავშირებით გამოძიება "სისხლის სამართლის კოდექსის" 276-ე მუხლით დაიწყო, რაც სატრანსპორტო საშუალებით მოძრაობის წესების დარღვევას გულისხმობს.