მახინჯაურში სამაშველო ოპერაცია დასრულდა - მაშველებმა ახალგაზრდა მამაკაცი ზღვიდან უვნებლად გამოიყვანეს

მახინჯაურში სამაშველო ოპერაცია დასრულდა. მაშველებმა ახალგაზრდა მამაკაცი ზღვიდან გამოიყვანეს.

როგორც "ინტერპრესნიუსს" საგანგებო სიტუაციების მართვის სააგენტოში განუცხადეს, საქართველოს მოქალაქემ ზღვაში დაახლოებით კილომეტრნახევარის მანძილზე შეცურა, უკან დაბრუნებას კი ვერ ახერხებდა.

ახალგაზრდა მამაკაცი მაშველებმა შენიშნეს. სამაშველო ოპერაცია რამდენიმე წუთის განმავლობაში მიმდინარეობდა. გადარჩენილი მამაკაცის ჯანმრთელობის მდგომარეობა დამაკმაყოფილებელია.