სამდღიანი ძებნის შემდეგ მტკვარში გაუჩინარებული მამაკაცი გარდაცვლილი იპოვეს

რუსთავში, მდინარე მტკვარში 5 აგვისტოს საღამოს საბანაოდ შესული მამაკაცი, რომელიც დინებამ წაიღო, დღეს გარდაცვლილი იპოვეს.

საგანგებო სიტუაციების მართვის სააგენტოს ინფორმაციით, მამაკაცის ცხედარი საძიებო სამუშაოების ჩატარების შედეგად დღეს რუსთავის ტერიტორიაზე იპოვეს.

საძიებო სამუშაოები მდინარე მტკვარში და სანაპიროზე 5 აგვისტოდან მიმდინარეობდა. 53 წლის მამაკაცი, წინასწარი ინფორმაციით, მტკვარში საბანაოდ არაფხიზელ მდგომარეობაში შევიდა და დინებამ წაიღო. შსს-ს ინფორმაციით, სისხლის სამართლის საქმე 115-ე მუხლითაა აღძრული და ჩანიშნულია შესაბამისი ექსპერტიზები.

ინტერპრესნიუსი