ორი ავარია ბათუმში - არიან დაშავებულები
ბათუმში ორი ავტოსაგზაო შემთხვევის შედეგად სამი ადამიანი დაშავდა. ერთი შემთხვევა აეროპორტის გზატკეცილზე მოხდა. თვითმხილველების ინფორმაციით, ერთმანეთს ოთხი მსუბუქი ავტომობილი შეეჯახა, რის შედეგად ორი ადამიანი დაშავდა. ისინი სასწრაფო-სამედიცინო დახმარების ბრიგადამ ბათუმის რესპუბლიკურ საავადმყოფოში გადაიყვანა. ექიმების ინფორმაციით, დაშავებულების სიცოცხლეს საფრთხე არ ემუქრება.
დღესვე, ფრიდონ ხალვაშის ქუჩაზე მსუბუქი ავტომობილი ცენტრალურ საავტომობილო გზაზე მოძრაობისას ხეს შეეჯახა. დაშავებული მძღოლი კი სასწრაფო-სამედიცინო დახმარების ბრიგადამ ბათუმის საერთაშორისო საუნივერსიტეტო ჰოსპიტალში გადაიყვანა. მისი მდგომარეობა სტაბილურია.
როგორც "ინტერპრესნიუსს" საქართველოს შინაგან საქმეთა სამინისტროში განუცხადეს, ორივე შემთხვევასთან დაკავშირებით, გამოძიება "სისხლის სამართლის კოდექსის" 276-ე მუხლის პირველი ნაწილით დაიწყო, რაც სატრანსპორტო მოძრაობის წესების დარღვევას გულისხმობს.
ბამბის რიგში რესტორანი იწვის - ადგილზე 4 სახანძრო მუშაობს
დამწვარია 200-დან 250 კვ.მ ფართობი - რა ვითარებაა ბაზრობა "თერგის" ტერიტორიაზე
