ნიუ-იორკში ქართველი მხატვარი გიორგი ცინცაძე გარდაიცვალა

ამერიკაში ქართველი მხატვარი გიორგი ცინცაძე გარდაიცვალა. 42 წლის გიორგი ცინცაძე, მეგობრებმა ნიუ-იორკში, ბრუკლინში, საკუთარ სახლში გარდაცვლილი ოთხი დღის წინ ნახეს.

არსებული ინფორმაციით, მხატვრის გარდაცვალების მიზეზი გულის შეტევა გახდა.

ცინცაძე 9 წელი ნიუ-იორკში ცხოვრობდა და აქტიურ შემოქმედებით ცხოვრებას ეწეოდა. ბოლო წლებში, ის სისტემატურად აწყობდა საკუთარი ნამუშევრების პერსონალურ გამოფენებს ამერიკის ცნობილ საგამოფენო დარბაზებში. გარდაცვლილს ამერიკიდან მშობლიურ ქალაქ რუსთავში ხვალ ჩამოასვენებენ.