ხულოს მუნიციპალიტეტში გაჩენილი ხანძრის სალიკვიდაციო სამუშაოებში ხვალ ვერტმფრენი ჩაერთვება
ხულოს მუნიციპალიტეტში, შავნაბადას მთაზე გაჩენილი ხანძრის სალიკვიდაციო სამუშაოებში ხვალ ვერტმფრენი ჩაერთვება, - ამის შესახებ აჭარის სატყეო სააგენტოს უფროსის მოადგილემ, ჯუმბერ აბულაძემ "ინტერპრესნიუსს" განუცხადა.
როგორც უწყებაში ამბობენ, ხანძარი 3 ჰექტარზეა გავრცელებული, სადაც ბალახი და ბუჩქნარი იწვის. მისივე ინფირმაციით, საგანგებო შტაბში სამოქმედო გეგმაზე მუშაობენ.
"სიტუაცია კონტროლირებადია. დაახლოებით 3 ჰექტარზე ბალახი და ბუჩქნარი იწვის. თუ ლიკვიდაცია დროულად არ მოხდა, ხანძრის ტყეზე გავრცელების საშიშროება არსებობს. თუ სიცხე და ქარი გავრცელდა, შესაძლებელია, ხანძართან ბრძოლა გართულდეს. ხანძრის ლიკვიდაციაში პოლიცია და მაშველ-მეხანძრეები არიან ჩართული. სიტუაციის შესასწავლად ვერტმფრენით მონიტორინგი განხორციელდა. ხანძრის სალიკვიდაციო სამუშაოებში ხვალ ვერტმფრენი ჩაერთვება. საგანგებო შტაბი სამოქმედო გეგმაზე მუშაობს", - აცხადებს აჭარის სატყეო სააგენტოს უფროსის მოადგილე ჯუმბერ აბულაძე.
ხულოდი, შავნაბადას მთაზე ხანძარი ადგილობრივებმა გუშინ საღამოს შენიშნეს.
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია
