სამი ტყუპი 15-წლიანი უშვილობის შემდეგ - აჭარელი წყვილის ახდენილი ოცნება

31 წლის ცირა ბოლქვაძე და მისი მეუღლე მალხაზ ბოლქვაძე 15 წელი ელოდნენ ნანატრ შვილს და ერთდროულად სამი შეეძინათ. როგორც კლინიკა "მედინას" ფეისბუქის გვერდზე გავრცელებულ ინფორმაციაში ვკითხულობთ, ექსტრაკორპორალური განაყოფიერების შემდგომ საკეისრო კვეთით დაიბადა სამი ტყუპი - ლიდა, ანიტა და გეგა.

გოგონების წონა 3100 გრამი და 2410 გრამია, ბიჭუნა კი - 2400 გრამს იწონის. ახალშობილებისა და დედის მდგომარეობა დამაკმაყოფილებელია და მათ მალე გაწერენ სახლში.