ლას-ვეგასში მომხდარ ტრაგედიასთან დაკავშირებით, თბილისის ანძა ერთი საათით ჩაბნელდება

ლას-ვეგასში მომხდარ ტრაგედიასთან დაკავშირებით, თბილისის ანძა ერთი საათით ჩაბნელდება საქართველოს მთავრობისა და ქალაქ თბილისის მერიის გადაწყვეტილებით, ლას-ვეგასში მომხდარ ტრაგედიასთან დაკავშირებით, დღეს თბილისის ანძა ერთი საათით - 20:00 საათიდან 21:00 საათამდე ჩაბნელდება, - ამის შესახებ ინფორმაციას თბილისის მერია ავრცელებს.

"ქვეყნის ცენტრალური და ადგილობრივი ხელისუფლება მწუხარებას გამოთქვამს აშშ-ის ნევადის შტატის ქალაქ ლას-ვეგასში მომხდარი ტერორისტული აქტის გამო, რომლის შედეგად, ბოლო ინფორმაციით, 58 ადამიანი დაიღუპა, ხოლო 515 დაშავდა და უსამძიმრებს დაღუპულთა ოჯახის წევრებს, აშშ-ის მოქალაქეებსა და მთავრობას, დაშავებულებს კი ჯანმრთელობას უსურვებს", - ნათქვამია მერიის განცხადებაში.