საგარეჯოში, ჩაილურის ტყეში ცეცხლის სალიკვიდაციო სამუშაოები და ნიადაგის პრევენციული დამუშავების პროცესი მიმდინარეობს
საგარეჯოში, ქვემო ჩაილურის ტყეში გაჩენილი ხანძარი ლოკალიზებულია, - ამის შესახებ ინფორმაციას შინაგან საქმეთა სამინისტროს სსიპ საგანგებო სიტუაციების მართვის სააგენტო ავრცელებს.
მათივე ინფორმაციით, საგანგებო სიტუაციების მართვის სააგენტოში, გადაუდებელი დახმარების ოპერატიული მართვის ცენტრ - "112"-დან შევიდა შეტყობინება, რომ საგარეჯოში, ქვემო ჩაილურის ტყეში გაჩნდა ხანძარი.
როგორც სააგენტოში აცხადებენ, შეტყობინების მიღებისთანავე ადგილზე ოპერატიულად გამოცხადდნენ შსს-ს სახანძრო-სამაშველო ჯგუფები და ცეცხლის ქრობა დაუყოვნებლივ დაიწყეს. მეხანძრე-მაშველთა ოპერატიული მოქმედების შედეგად, ხანძარს მასიურ ტყემდე არ მიუღწევია.
მათივე ინფორმაციით, მომხდარის შედეგად, დაიწვა ტყის ქვედა საფარი. ამ დროისთვის, ხანძარი ლოკალიზებულია. მიმდინარეობს ცეცხლის სალიკვიდაციო სამუშაოები და ნიადაგის პრევენციული დამუშავების პროცესი.
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია
