ილია მეორე ბათუმში, "ლეოგრანდთან" მივიდა - სასტუმროსთან პანაშვიდი მიმდინარეობს

საქართველოს კათოლიკოს-პატრიარქი, უწმინდესი და უნეტარესი ილია მეორე ბათუმში, სასტუმრო "ლეოგრანდთან" მივიდა. სასტუმროსთან ხანძრის შედეგად დაღუპულთა სულის მოსახსენიებელი პანაშვიდი მიმდინარეობს. პანაშვიდი მამა ანდრია თურმანიძემ და დეკანოზმა არჩილ ჩხარტიშვილმა გადაიხადეს.

ბათუმში, სასტუმრო "ლეოგრანდში" გაჩენილი ხანძრის შედეგად, 11 ადამიანი დაიღუპა, მათ შორის, 10 საქართველოს, ხოლო 1 ირანის რესპუბლიკის მოქალაქეა. ხანძრის შედეგად, სულ ჰოსპიტალიზაცია დასჭირდა 21 ადამიანს, მათგან 13 კი უკვე გაეწერა საავადმყოფოდან. ამ დროისთვის საავადმყოფოში მოთავსებულია რვა პაციენტი. დაშავებულებს შორის, რომლებიც საავადმყოფოებში რჩებიან, სამი საქართველოს მოქალაქეა, მათგან 1 მეხანძრე-მაშველი, 4 თურქეთის მოქალაქეა და ერთი ისრაელის.

ფოტო: მარიკო კეკელიძე