უბნები თბილისში, სადაც ხვალ დენი გაითიშება

თბილისის ნაწილს, ხვალ, 29 ნოემბერს ელექტროქსელის საიმედოობის გაზრდის მიზნით, ელექტრომომარაგება დროებით შეეზღუდება.

როგორც "ინტერპრესნიუსს" "თელასიდან" აცნობეს, საბურთალოს რაიონში, 10:00 საათიდან 18:00 საათამდე შეზღუდვა შეეხება: სოფელი დიღმის, დიდი დიღმის III მიკრორაიონის ნაკვეთების და ასმათის ქუჩის მცხოვრებლებს;

ნაძალადევის რაიონში, 12:00 საათიდან 13:30 საათამდე შეზღუდვა შეეხება: გუდამაყრის ქუჩის მცხოვრებლებს;

დიდგორის რაიონში, 11:00 საათიდან 17:00 საათამდე შეზღუდვა შეეხება: დაბა წავკისის მცხოვრებლებს.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.