51-ე საჯარო სკოლის წინ მოქალაქეებს ყვავილები მიაქვთ და სანთლებს ანთებენ - ფოტოები ადგილიდან
#51–ე საჯარო სკოლის წინ რიგითი მოქალაქეები იკრიბებიან და ხორავას ქუჩაზე მოკლული მოზარდების ხსოვნის პატივსაცემად თაიგულები მიაქვთ, ასევე, ანთებენ სანთლებს და ტოვებენ ჩანაწერებს. ადგილზე იკრიბებიან როგორც #51–ე საჯარო სკოლის მოსწავლეები და მასწავლებლები, ასევე, საზოგადოებისთვის ცნობილი სახეები, ჟურნალისტები, მსახიობები და რიგითი მოქალაქეები.
შეკრებილმა მოქალაქეებმა გარდაცვლილებს პატივი წუთიერი დუმილით მიაგეს. 1-ელ დეკემბერს ხორავას ქუჩაზე ორი მოზარდი დაჭრეს. მათგან ერთი იმავე დღეს საავადმყოფოში მიყვანამდე გარდაიცვალა, ხოლო მეორე გუშინ რესპუბლიკურ საავადმყოფოში დაიღუპა.
ხორავას ქუჩაზე მომხდარ ფაქტთან დაკავშირებით შს სამინისტრომ ერთი პირი დააკავა. როგორც სამინისტროში აცხადებენ, ხორავას ქუჩაზე მომხდარ ფაქტზე კიდევ ერთი სავარაუდო დამნაშავის დაკავების ღონისძიებები მიმდინარეობს. მომხდართან დაკავშირებით გამოძიება დამამძიმებელ გარემოებებში ჩადენილი განზრახ მკვლელობის ფაქტზე მიმდინარეობს (საქართველოს სსკ-ის 109-ე მუხლით). ვიდეო
ფოტო: ნიკა საჯაია
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია
