დავით ტურაშვილი კვლავ კლინიკაში რჩება
მწერალი დავით ტურაშვილი ამ დროისთვის "ნიუ ჰოსპიტალში" მკურნალობას აგრძელებს. როგორც ტურაშვილმა "ინტერპრესნიუსს" განუცხადა, ის დღესაც კლინიკაში რჩება და მკურნალობს.
მწერალი კულტურის სამინისტროდან სასწრაფო დახმარების მანქანით "ნიუ ჰოსპიტალში" გუშინ გადაიყვანეს. დავით ტურაშვილი შინაგან საქმეთა მინისტრთან მწერლების შეხვედრაზე შეუძლოდ გახდა. მას სასწრაფო დახმარების ექიმებმა პირველადი დახმარება ადგილზე აღმოუჩინეს, ის თავს უკეთ გრძნობდა, თუმცა, მედიკოსებმა საავადმყოფოში მისი გადაყვანა მაინც საჭიროდ ჩათვალეს.
კულტურისა და სპორტის მინისტრი მიხეილ გიორგაძე გუშინ 2018 წლის ფრანკფურტის წიგნის ბაზრობის საკითხთან დაკავშირებით სამინისტროში მწერლებსა და მთარგმნელებს ხვდებოდა. მოგვიანებით შეხვედრას შინაგან საქმეთა მინისტრი გიორგი გახარიაც შეუერთდა, სადაც საუბარი პოეტ ზვიად რატიანთან დაკავშირებულ შემთხვევაზე გაგრძელდა. მოულოდნელად მწერალი დავით ტურაშვილი შეუძლოდ გახდა და სასწრაფო დახმარების გამოძახება გახდა საჭირო.
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია
