რა მდგომარეობაშია გმირთა მოედნის მიმდებარე ტერიტორიაზე დაჭრილი მამაკაცი
გმირთა მოედნის მიმდებარე ტერიტორიაზე დაჭრილი მამაკაცის ჯანმრთელობის მდგომარეობა მძიმეა, - ამის შესახებ "ინტერპრესნიუსს" რესპუბლიკური საავადმყოფოს პრესსამსახურში განუცხადეს.
მათივე ინფორმაციით, პაციენტი რეანიმაციულ განყოფილებაში იმყოფება.
"გადაუდებელი ოპერაცია ჩაუტარდა, ამჟამად რეანიმაციულ განყოფილებაში იმყოფება. სისხლის დიდი დანაკარგი აღენიშნება, მიმდინარეობს ინტენსიური მკურნალობა", - აცხადებენ რესპუბლიკურ საავადმყოფოში.
თბილისში, გმირთა მოედნის მიმდებარე ტერიტორიაზე წუხელ 3 ადამიანი დაჭრეს. არსებული ინფორმაციით, მამაკაცებს შორის დაპირისპირება ერთ-ერთ რესტორანში დაიწყო. დაჭრილთაგან ერთი საავადმყოფოში გადაიყვანეს. როგორც "ინტერპრესნიუსს" შსს-ში განუცხადეს, დანარჩენ ორ პირს ჰოსპიტალიზაცია არ დასჭირვებია.
მათივე განმარტებით, დანაშაულში ეჭვმიტანილი ერთი პირი ადგილზევე დააკავეს.
მომხდარზე გამოძიება "სისხლის სამართლის კოდექსის" 120-ე მუხლით დაიწყო, რაც ჯანმრთელობის განზრახ მსუბუქ დაზიანებას გულისხმობს.
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია
