სოფლები და თბილისის უბნები, სადაც დღეს დენი გაითიშება

ქსელზე ახალი აბონენტების მიერთების მიზნით, დღეს, თბილისის ნაწილს ელექტრომომარაგება დროებით შეეზღუდება.

როგორც "ინტერპრესნიუსს" კომპანია "თელასიდან" აცნობეს, საბურთალოს რაიონში ქსელზე ახალი აბონენტების მიერთების მიზნით, 11:00 საათიდან 13:00 საათამდე შეზღუდვა შეეხება: დიდი დიღმის III მიკრორაიონის, სოფელი დიღმის, პეტრიწის, მეფე მირიანის, თამარაშვილის, ცინცაძის, კოსტავას და ბენდელიანის ქუჩების მცხოვრებლებს.

ისნის რაიონში ქსელზე ახალი აბონენტების მიერთების მიზნით 11:00 საათიდან 14:00 საათამდე შეზღუდვა შეეხება: ლეხ კაჩინსკის, ნავთლუღის, რიჩარდ ჰოლბრუკის, წერნაკის, ჭრელაშვილის და ჰოსპიტლის ქუჩების მცხოვრებლებს.

გლდანის რაიონში ქსელზე ახალი აბონენტების მიერთების მიზნით 11:00 საათიდან 13:00 საათამდე შეზღუდვა შეეხება: ილორის, ზარზმის, სარაჯიშვილის, იპოლიტოვ-ივანოვის, ლაზოს, წყალსადენის, ჭედიას, შუშის და ტაძრის ქუჩების მცხოვრებლებს.

დიდუბის რაიონში ქსელზე ახალი აბონენტების მიერთების მიზნით 13:00 საათიდან 15:00 საათამდე შეზღუდვა შეეხება: აგლაძის ქუჩის მცხოვრებლებს.

"კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება", - აცხადებენ კომპანიაში.

გეგმური სარეაბილიტაციო სამუშაოების გამო, ელექტროენერგიის მიწოდება შეეზღუდება

"ენერგო-პრო ჯორჯიას" აბონენტების ნაწილსაც.

როგორც "ინტერპრესნიუსს" კომპანია "ენერგო-პრო ჯორჯიადან" აცნობეს, ქსელის გეგმური სარეაბილიტაციო სამუშაოების გამო, 31 იანვარს 12:00 საათიდან 18:00 საათამდე ელექტროენერგიის მიწოდება შეეზღუდება 1834 აბონენტს დუშეთის რაიონის სოფლებში: კარიაულები, პირმისაანი, შუაფხო, ქალილო და მიმდებარე სოფლებში, აგრეთვე დუშეთში, რუსთაველის, რაზიკაშვილის, ჭავჭავაძის და მიმდებარე ქუჩებზე.

სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება.