SPAR საქართველოს რეგიონული ფრენჩაიზინგის განვითარების პროექტის ფარგლებში სუპერმარკეტების ქსელი "დეილი გროსერი" შემოუერთდა

ჰოლანდიური საერთაშორისო სუპერმარკეტების ქსელ "SPAR"-ს, რომელიც საქართველოს ბაზარზე "SPAR საქართველო"-ს სახელით ოპერირებს, რეგიონული ფრენჩაიზინგის განვითარების პროექტის ფარგლებში დღეს ლოკალური სუპერმარკეტების ქსელი "DAILY GROCERY" შემოუერთდა. ამჟამად "სპარი" საქართველოში 66 მაღაზიას ფლობს და წლის ბოლომდე გეგმავს 40-მდე მაღაზიის გახსნას. საკუთარი მაღაზიების გარდა სპარი ასევე ხელს უწყობს ლოკალური მცირე ბიზნესის განვითარებას და ნებისმიერ მეწარმეს, რომელსაც აქვს მაღაზია ან აპირებს მაღაზიის გასხნას, მას სპარის ბრენდის ქვეშ გაერთიანებას სთავაზობს. საქართველოში სპარის მაღაზიები გახსნილია  ყველაზე დიდ ქალაქებში: თბილისი, ბათუმი, ქუთაისი, ზუგდიდი, სამტრედია, და რუსთავი.  აქედან  6 რეგიონული ფრენჩაიზერია.

როგორც "სპარის" მენეჯმენტში განმარტავენ "დეილი"-ს სუპერმარკეტებში ცვლილებები უახლოეს მომავალში უკვე დაგეგმილია. ამჟამად  "დეილი გროსერი" ბაზარზე წარმოდგენილია 24 მაღაზიით, რომლებიც საქართველოს სხვადასხვა კუთხეში მდებარეობს.  მიმდინარე წლის განმავლობაში "დეილი"-ს სუპერმარკეტები ეტაპობრივად მოერგება სპარის საერთაშორისო სტანდარტებს- არსებულ მაღაზიებში გაფართოვდება პროდუქციის ასორტიმენტი, დაემატება მზა კერძების წარმოება, განხორციელდება მაღაზიების სრული რებრენდინგი, ამასთან ერთად სპართან ერთობლივი პროექტის ფარგლებში გაიხსნება 25-მდე ახალი მაღაზია. აღსანიშნავია, რომ "დეილი"-ს ყველა თანამშრომელი სპარის ტრეინინგ ცენტრში გაივლის სპეციალურ გადამზადებას, რაც კიდევ უფრო ხელს შეუწყობს საცალო გაყიდვებში კვალიფიცირებული კადრების ფორმირებას.  

"დეილი"-ს შემოერთებით სპარის ქსელი საქართველოში უკვე ითვლის 96 მაღაზიას და წლის ბოლომდე საქართველოში სპარის ქსელი 160 მაღაზიამდე გაიზრდება.

R