ლიტვის ელჩმა ქართულ მედია საშუალებებს ლიტვის წამყვანი უნივერსიტეტების წარმომადგენლები წარუდგინა

ლიტვის ელჩმა ქართულ მედია საშუალებებს ლიტვის წამყვანი უნივერსიტეტების წარმომადგენლები წარუდგინა

საქართველოში ლიტვის საელჩომ ლიტვის წამყვანი უნივერსიტეტებისა და ქართული მედიის წარმომადგენლების შეხვედრას უმასპინძლა. უნივერსიტეტების წარმომადგენლებმა შეხვედრაზე ჟურნალისტებს ლიტვაში არსებული უმაღლესი სასწავლებლების, მოკლე და გრძელვადიანი პროგრამებისა და სასწავლო გრანტების შესახებ მიაწოდეს ინფორმაცია.

შეხვედრას ლიტვის რესპუბლიკის საგანგებო და სრულუფლებიანი ელჩი, გიედრიუს პუოჯუნასიც ესწრებოდა. ელჩმა საქართველო-ლიტვის მრავალწლიან მეგობრულ ურთიერთობაზე, თანამშრომლობასა და საგანმანათლებლო გაცვლითი პროგრამების მნიშვნელობაზე ისაუბრა და მედიის წარმომადგენლები 23-24 თებერვალს, ექსპო ჯორჯიაში დაგეგმილ განათლების საერთაშორისო გამოფენაზე დაპატიჟა. გიედრიუს პუოჯუნასის თქმით, ლიტვაში ბევრი ძალიან კარგი უნივერსიტეტია, რომლებიც ქართველ სტუდენტებს ინგლისურ და რუსულ ენებზე განათლების მიღების საშუალებას აძლევს.

ლიტვის საგანმანათლებლო გაცვლითი პროგრამების მხარდაჭერის ფონდის დირექტორის მოადგილემ, ჟანა ორლოვამ ჟურნალისტებთან საუბრისას აღნიშნა, რომ ქართველმა სტუდენტებმა ლიტვაში სწავლის შესაძლებლობა აუცილებლად უნდა გამოიყენონ, რადგან ქვეყანა მათ ევროპული განათლების პარალელურად, მსოფლიოში აღიარებული დიპლომის მიღებისა და დასაქმების პერსპექტივას სთავაზობს.

შეხვედრას საქართველოში არსებული ლიტვური ენისა და კულტურის ცენტრის წარმომადგენლები და ის ქართველი და ლიტველი სტუდენტებიც ესწრებოდნენ, რომლებმაც გაცვლითი პროგრამის საშუალებით მიიღეს უმაღლესი განათლება.

 

უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"

ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია

8-9 ოქტომბერს ძლიერი წვიმა და ქარია, 10-ში კვლავ გამოიდარებს - უახლოესი დღეების ამინდის პროგნოზი