გურჯაანის მუნიციპალიტეტში სამ საბავშვო ბაღს საწარმოო პროცესი შეუჩერდა

გურჯაანის მუნიციპალიტეტში, სამ საბავშვო ბაღს საწარმო პროცესი შეუჩერდა. N2 ,N3 და სოფელ ბაკურციხის ბაღი კრიტიკული შეუსაბამობის გამო, 1000 -1000 ლარით დაჯარიმდა. ვიდრე ინფრასტრუქტურული ხარვეზები არ გამოსწორდება, სასწავლო პროცესი შეწყვეტილია. როგორც სურსათის უვნებლობის საგენტოში განმარტავენ, გეგმური შემოწმებისას კრიტიკული და არაკრიტიკული შეუსაბამობები აღმოჩნდა, რასაც შესაძლოა გამოეწვია საკვები პროდუქტის დაბინძურება.

"ბაღების სამზარეულოს შემოწმებისას არ მუშაობდა სავენტილაციო სისტემა, რის გამოც ხდებოდა კედლების და ჭერის დაზიანება, მათზე ობის წარმოქმნა. იყო საშიშროება ნაწილაკების ცვენის. აღნიშნული კრიტიკული შეუსაბამობის გამო, საბავშვი ბაღებს საწარმოო პროცესი შეუჩერდათ და დაჯარიმდნენ 1000 ლარით", - განაცხადა სურსათის ეროვნული სააგენტოს კახეთის რეგიონული სამმართველოს უფროსმა ინსპექტორმა ნანა ახალმოსულიშვილმა. გურჯაანის მერიაში კი აცხადებენ, რომ აღნიშნული პრობლემის შესახებ იციან და უახლოეს მომავალში მოაგვარებენ.