ხანმოკლე წვიმა, ელჭექით, ზოგან სეტყვა - 18-20 მაისის ამინდის პროგნოზი

18-20 მაისს საქართველოს ზოგიერთ, ხოლო 21 მაისს უმეტეს რაიონში მოსალოდნელია ხანმოკლე წვიმა და ელჭექი, ქვეყნის აღმოსავლეთ ნაწილში ზოგან შესაძლებელია სეტყვა. ინფორმაციას ამის შესახებ გარემოს ეროვნული სააგენტო ავრცელებს.

საანგენტოს ცნობით, ჰაერის ტემპერატურა 18 – 20 მაისს დაბლობსა და ბარში +26, +31 გრადუსია მოსალოდნელი, 21 მაისს კი 3 – 4 გრადუსით დაიკლებს.

თბილისში ღამისა და საღამოს საათებში შესაძლოა ხანმოკლე წვიმა ელჭექით აღინიშნოს. ჰაერის ტემპერატურა +28, +30 გრადუსის ფარგლებში დაფიქსირდება.