„სპარ“ საქართველოს ქსელი მნიშვნელოვნად ფართოვდება

„სპარ“ საქართველომ რეგიონული განვითარების პროექტის ფარგლებშიშეიძინა სუპერმარკეტების ქსელი „გრინმარკეტი“. რებრენდინგის პროექტის ფარგლებში გრინ მარკეტის გასპარება უკვე დაგეგმილია და თბილისში 2018 წლის ივნისის თვეში დამატებით კიდევ გაიხსნება სპარის ევროპული ხარისხისა და საერთაშორისო სტანდარტებით აღჭურვილი ორი მარკეტი.

ამჟამად „სპარ“ საქართველოს ქსელი შედგება 110 მაღაზიისგან. აქედან, 34 მარკეტი არის რეგიონალური ფრენჩაიზინგ მარკეტი და 2018 წლის ბოლომდე დაგეგმილია 40-მდე ევროპული ხარისხისა და საერთაშორისო სტანდარტებით აღჭურვილი მარკეტის გახსნა.

მოგეხსენებათ, „სპარ“ საქართველო ყველა დამოუკიდებელ საცალო მოვაჭრესა თუ მაღაზიას საკუთარი ბრენდის ქვეშ გაერთიანებას სთავაზობს. ნებისმიერ მაღაზიას შეუძლია გახდეს „სპარ“ საქართველოს ოჯახის წევრი. „სპარ“ საქართველოს ფრენჩაიზინგის პროექტი მცირე ბიზნესის წარმომადგენლებისთვის ხელმისაწვდომს ხდის თანამედროვე საცალო ვაჭრობის მოდელს, ამასთანავე, საქართველოს რეგიონებში ხდება საერთაშორისო წარმატებული ბრენდის გამოცდილების დანერგვა.

(R)