ენერგოსისტემაში შექმნილი შეფერხების გამო თბილისის ნაწილს წყალმომარაგება შეზღუდვით მიეწოდება

ენერგოსისტემაში შექმნილი შეფერხების გამო "ჯორჯიან უოთერ ენდ ფაუერის" ღრმაღელისა და სამგორის სათავე ნაგებობებს ელექტროენერგიის მიწოდება ავარიულად შეუწყდა. შედეგად, 21:00 საათიდან წყალმომარაგება შეზღუდვით მიეწოდება ვაზისუბნის და აეროპორტის დასახლებებს, ვარკეთილი 3-ის და მუხიანის მიკრორაიონების ნაწილს.

"ჯორჯიან უოთერ ენ ფაუერის" ინფორმაციით, მოსახლეობისთვის წყლის მიწოდება ელექტრომომარაგების აღდგენის შემდეგ ეტაპობრივად მოხდება.

წყალმომარაგების შეზღუდვისა და აღდგენის შესახებ ინფორმაციას "ჯორჯიან უოთერ ენდ ფაუერი" აბონენტებს წინასწარ, SMS-შეტყობინების სახით მიაწოდებს. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, ფეისბუქისა და ვებგვერდის მეშვეობით - www.gwp.ge „ჯორჯიან უოთერ ენდ ფაუერი“ დისკომფორტისთვის მომხმარებლებს ბოდიშს უხდის.