საერთაშორისო რესპუბლიკური ინსტიტუტის (IRI) კვლევების ცენტრის მიერ გამოქვეყნებული ახალი კვლევის მიხედვით, საქართველოში ინფორმაციის მიღების წყაროებს შორის ინტერნეტში Ambebi.ge კვლავ ლიდერია.
IRI-ის კვლევის მიხედვით, კითხვაზე, რომელ ვებ-გვერდებს სტუმრობთ ყველაზე ხშირად ინფორმაციის მისაღებად, Ambebi.ge 18%-ით პირველ ადგილს იკავებს.
კვლევების შედეგების მიხედვით, შემდეგ მოდის სოციალური ქსელი "ფეისბუქი" 8 %-ით და ვებ-გვერდი news.ge - 7 პროცენტით.
რეიტინგის ათეულში მოხვდა "პალიტრა მედიის" კიდევ ორი მედიასაშუალება - გამოკითხულთა 5% ინფორმაციის მისაღებად საინფორმაციო სააგენტო "ინტერპრესნიუსს" სტუმრობს, 1% კი "პალიტრანიუსის" ვებგვერდს.
აღსანიშნავია რომ, IRI-ის აღნიშნულ რეიტინგში, Ambebi.ge ზედიზედ მეხუთე წელია არ თმობს პირველობას.
კვლევა ბალტიის კვლევების / გელაპის ორგანიზაციის მიერ საერთაშორისო რესპუბლიკური ინსტიტუტის კვლევების ცენტრის დავალებით ჩატარდა. მონაცემთა შეგროვება 2018 წლის 10-22 აპრილის შუალედში მოხდა და საარჩევნო უფლების მქონე 1 500 საქართველოს მოქალაქე გამოიკითხა. ცდომილების ზღვარი +/- 2.5 პროცენტია.