ავტორი:

რომელი ქვეყნებია ახლო აღმოსავლეთში ოქროთი ყველაზე მდიდარი - ახალი მონაცემები

რომელი ქვეყნებია ახლო აღმოსავლეთში ოქროთი ყველაზე მდიდარი - ახალი მონაცემები

მსოფლიოს ოქროს საბჭოს ინფორმაციით, არაბეთის ქვეყნებში 1006 ტონა ოქროს მარაგია. განსაკუთრებით მდიდართა სამეულში საუდის არაბეთი ლიდერობს. eanlibya.com-ის ცნობით, ის 323 ტონა ოქროს მფლობელია, შემდეგ მოდის, ალჟირი - 174 ტონით, სამეულის ბოლოს კი 117 ტონა ოქროს მფლობელი ლიბიაა. მათ შემდეგ მოდის ერაყი 90 ტონა ოქროს მარაგით, ქუვეითი 79 ტონა ძვირფასი ლითონით და ეგვიპტე - 77 ტონა ოქროთი.

ახლო აღმოსავლეთის ქვეყნების შემდეგ, მსოფლიოში ოქროს მარაგით ამერიკა ლიდერობს, თუმცა მისი რაოდენობა ბევრად აჭარბებს სხვა ქვეყნების მარაგს - აშშ 8133 ტონა ოქროს მფლობელია.

"ბლუმბერგმა" ოქროს მომპოვებელი ქვეყნების სიაც შექმნა, რომლის ათეულშიც ჩინეთი, 380 ტონა ოქროთი ლიდერობს. შემდეგ მოდის ავსტრალია 272 ტონა ძვირფასი ლითონით. იქ ოქროს მასშტაბური მოპოვება ჯერ კიდევ 1890 წლიდან დაიწყო და ბოლო წლებში ეს სფერო აღმავლობისკენ მიდის...

ბოლო მონაცემებით, 221 ტონა ოქრო აქვს მოპოვებული სამხრეთ ამერიკას, სადაც ოქროს მოპოვების საკმაოდ მდიდარი ტრადიცია არსებობს და შესაბამისად, ლიდერთა სიაშიც დიდხანს იქნება.

ოქროს მოპოვების ექსპერტთა შეფასებით, ძვირფასი ლითონის ყველაზე დიდი მარაგები რუსეთშია, რომელმაც ბოლო წლების მონაცემებით, 205 ტონა ოქრო მოიპოვა. სიაში შემდეგია პერუ, სადაც 156 ტონა ოქრო პრაქტიკულად ერთ საბადოში მოიპოვება.

გარკვეული პერიოდის განმავლობაში, განა ოქროს მოპოვების სფეროში მსოფლიოს ლიდერი ქვეყანა იყო, თუმცა ბოლოს წლებში ძვირფასი ლითონის წარმოება საკმაოდ შემცირდა. ბოლო მონაცემებით, იქ 102 ტონა მოიპოვეს.

ასევე შემცირდა ოქროს საბადოები კანადაში, ამიტომაც ის მსოფლიო ათეულის სიაში მერვე ადგილზეა და 101 ტონა ოქროს მოპოვება შეძლო.

97 ტონა ოქროს ფლობს ინდონეზია, შემდეგ კი 82 ტონით მექსიკაა, რომელიც კანადურ ოქროსმომპოვებელ კომპანია Argo Gold Mine and Mill-თან ("არგონავტების ოქრო") თანამშრომლობს.

ბაქოში აქციაზე ოპოზიციის ლიდერები დააკავეს - რა ინფორმაცია ვრცელდება სოციალურ ქსელებში

დიდ ბრიტანეთში შტორმს 2 ადამიანი ემსხვერპლა - უახლოეს დღეებში შტორმის კიდევ უფრო გაძლიერებას ელოდებიან

ძალიან პოპულარული გავხდი ამერიკაში, ამაზე ყოველთვის ვოცნებობდი - ვლადიმერ ზელენსკი