ჯონი დეპის ცნობა გაგიჭირდებათ - თაყვანისმცემლები მსახიობის ჯანმრთელობის გამო ღელავენ

ჯონი დეპი ბოლო დროს გავრცელებულ ფოტოებში არც ისე კარგად გამოიყურება და თაყვანისმცემლები მსახიობის ჯანმრთელობის გამო ღელავენ. სოციალურ ქსელებში წერენ, რომ 54 წლის დეპი ასაკთან შედარებით უფრო ხნიერად გამოიყურება და ნაოჭებიც კი მომატებული აქვს.

გამოცემა Us Weekly-ს მსახიობთან დაახლოებულმა წყარომ უთხრა, რომ თაყვანისმცემლების შიში უსაფუძვლოა და ჯონი დეპი თავს არაჩვეულებრივად გრძნობს. გარდა ამისა, საკუთარ ბენდთან Hollywood Vampires ის საერთაშორისო ტურნეზე იმყოფება.

ამასთან, წყაროს მტკიცებით, დეპმა განგებ დაიკლო წონაში, რადგან ტურნეს დროს კარგ ფორმაში ყოფნა სურს.